ప్రియతమా...

నినుచూసిన నిమిషం పులకించెను నా హ్రుదయం,
మలుపు తిరిగెను నా గమ్యం,
నీ రాక కొరకై కునుకు మరచెనే నానయనం,
ఎదురు చూసిన ప్రతీక్షణం నాకాయినది ఒక యుగం,
వలదని చేయకే నా గుండెకు గాయం,
నీ ప్రేమకై అంకితం ఈ జీవితం,
నీవు లేని నన్ను ఊహించడమెంతో కష్టం,
కరుణించవా ఓ ప్రియతమా...

మేలుకో ప్రేమిక

ప్రేమలో గాయాలు గేయాలకు ఊపిరులూదడం,
గేయాలు గాయాలకు లేపనాలు కావడం సహజం. 
భావుకత పొంగిపొరలి, హృదయం పులకించి, 
ప్రేయసి కరుణకై పరితపించు వేళ మిత్రమా, 
మలుపు తిరగనీయకు నీ గమ్యాన్ని, 
నిర్దేశించుకు ముందుకు సాగు పెద్ద లక్ష్యాన్ని... -- GM Rao.
 

నేస్తమా...

స్నేహం, ఎవరూ వర్ణించలేని ఒక మథుర కావ్యం.

అడగకుండా దేవుడు ఇచ్చిన విలువైన వరం. 

ఎక్కడున్న, ఎలా ఉన్నా మనతో ఉండే ఆ పాశం, మన నుండి ఏమీ ఆశించదనేది జగమెరిగిన సత్యం. అలాంటి స్నేహం అపార్థం చేసుకుంటే నరకం. అలాంటి వేదన వర్ణనాతీతం. 

భరించలేని ఆ భారం నాతో మోయించవనే నమ్మకం, బతికిస్తుంది జీవితాంతం. 

                                                                                                     --- ఇట్లు నీ నేస్తం.